【年初三】ERROR赤口互窒兼出手 肥仔超賤竟出陰毒奸招

撰文:
最後更新日期:

新年快樂!恭喜發財!《香港01》記者特地找了組合ERROR四子:肥仔(梁業)、Dee(何啟華)、193(郭嘉駿)、保錡(吳保錡)跟大家賀新年。ERROR跟大家講講他們農曆新年有什麼習俗、有什麼願望等等,之後更即席揮毫寫揮春,遊戲規則是要抽出寫有不同人對象的利市封,然後發揮他們的大創意,寫一句祝賀說話給該對象,再由各人非常公平地投票給覺得表現得最差的一名隊員,進行神秘「大懲罰」!現在,讓大家一起先看看他們Freestyle講什麼吧!

剪接︰吳宇峰

攝影︰葉志明

短片︰詹郭敏、岑卓熹、黃卓敏

ERROR寫揮春時,發揮無限創意,大放笑彈。(葉志明攝)

農曆新年有什麼搞作?

保錡首先話︰「最緊要都係𢭃利市,如果唔𢭃利市都冇咩做。」193笑言︰「我哋今年新年係冇嘢做,同以往一樣都係放假,同平時一樣。」Dee就指今年比較特別,因為要派開工利市,但前提是「如果有工開」,被問到他會派幾多?他反問︰「你覺得真係有錢嘅?」即是有還是沒有呀?!193就話派利市這個問題困擾了他好久,「我哋問過其他人應唔應該派開工利市呢,佢話好多人都會派嘅,今年我哋已經唔再係新人,入行一年幾,但係我哋冇錢呀嘛!點派到咁多呢,咁多Crew!」肥仔這時自爆近幾年已經好少𢭃利市,193笑言︰「佢秘密結咗婚好耐。」難道好事近?

ERROR憑《花姐ERROR遊》系列深受網民喜愛,粉絲Like爆其搞笑無底線形象。(Instagram@error.weare)

新年有什麼必做習俗?

隊長肥仔就話一定要食年糕和蘿蔔糕。Dee原來好傳統,他說︰「拜訪屋企人,我都習慣初一一定係探最大嗰個長者,嫲嫲呀,之後就輪住次序,大舅父呀,初三就去我屋企。」保錡都會去拜訪長輩,食個飯。肥仔邀請他一齊去旅行,保錡竟然拒絕隊長的提議︰「你自己搵人去旅行啦,我留喺屋企瞓覺,你有錢去旅行,我唔夠錢去旅行啊。」193就話自己已經好多年沒在香港過年,每年都去了旅行。

要鬥創意,相信不會難到天馬行空的ERROR。(葉志明攝)

會否找經理人花姐(黃慧君)拜年?

肥仔大爆花姐的秘密,原來花姐好怕別人去她的家,因為她有一種潔癖是不喜歡別人用她家的洗手間,所以未必可以去拜年了。問會否齋攞利市不拜年?肥仔︰「希望喺我哋開工嘅時候佢肯探下我哋。」保錡續說︰「唔好講花姐啦!我哋返到嚟睇下公司有邊個畀直接攞啦!」四人笑說其實上年有收到花姐的利市。

花姐演杉菜應該相當有睇頭。(IG圖片/error.weare)

有ERROR,有歡樂!(葉志明攝)

鼠年有什麼願望?

四子笑言不想再想《花姐ERROR遊》第三輯,希望有新節目,193說︰「大家都唔想每年都(睇我哋)食屎、食蟲、食辣。」肥仔大爆他們會有新的Idea,正在構思Proposal。保錡就跳Tone地說︰「我最希望可以做音樂嘅嘢,今年真係希望可以畀我哋認真做下音樂、關於音樂嘅Show。」Dee指自己今年有好多工作都想做,「所以我希望今年可以搵到個平衡,又想自己做自己音樂,又要處理電視台(嘅工作),又想做演員嘅身份。」193說︰「世界和平,香港和平。」肥仔補充其實想他們下年可以在音樂上得到獎項,Dee又再爆肚說︰「希望MIRROR Cut啲人,咁有啲Butget可以畀我哋用。」其他三人大呼︰「唔出得街㗎!花姐睇到就大鑊!」

記得睇埋條片睇下佢哋大放笑彈!!

點擊下圖睇吓更多花絮靚相︰

+29
+28
+27

點擊下圖逐張睇ERROR寫咗啲咩!!

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。