【開心速遞】周嘉洛獲最佳男配角冇飄飄然:希望更加孭得起呢個獎

撰文:
最後更新日期:

無綫處境劇《愛.回家之開心速遞》舉行新春活動,劇中主角之一的周嘉洛都有出席。他早前在《萬千星輝頒獎典禮2019》勇奪最佳男配角獎項,獲劇中一眾演員送上蛋糕祝賀。嘉洛開心地多謝大家,又謙虛地強調該個獎項是屬於成個《愛.回家》劇組的。他坦言:「今次呢個獎對我嚟講,絕對係好大嘅鼓勵,呢個獎係屬於《愛.回家》嘅,希望我嚟緊會愈來愈進步,會更加孭得起呢個獎。」

周嘉洛獲大家送上蛋糕祝賀他獲獎。(陳志嵐攝)

嘉洛自言並沒有因為得獎而覺得飄飄然,只會更加努力去工作,至於會否加騷錢,他說:「唔會諗呢啲,都係交畀公司同經理人安排,我自己主要係睇工作機會。」對於他在劇中與Bonnie (林凱恩飾)可會有新發展,例如走到結婚一步,他笑言:「結婚都好喎,睇下編劇可唔可以寫我哋結婚。」而農曆新年他會有三日假,會用來陪屋企人:「平時開工無咩機會可以喺屋企食飯,放假好想陪媽咪食飯,佢好好,好支持我嘅工作,好體諒我,從來無怪過我唔陪佢。」

周嘉洛沒有因為得獎而覺得飄飄然。(陳志嵐攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。