溫碧霞獲第八屆絲綢之路國際電影節最佳女主角:多謝老公

撰文:
最後更新日期:

由溫碧霞(Irene)主演的電影《墮落花》屢獲佳績,除了早前獲得越南「The Best Movie Icon」獎、又入圍今屆香港亞洲電影節「隆重呈獻」環節及澳洲「第十屆金拉考國際華語電影節」,好消息陸續有來,剛於「第八屆絲綢之路國際電影節」中,Irene獲得最佳女主角。

溫碧霞(Irene)主演嘅電影《墮落花》屢獲佳績。

對於今次獲得「最佳女主角」,Irene興奮表示:「我依家喺峇里島聽到呢個消息超開心!不過有啲可惜,因為咁啱我約咗屋企人渡假,所以冇去到呢個影展、冇親手攞個獎,但係聽到呢個消息真係好開心!好多謝楊生俾呢個機會我去拍呢部戲。」她指自從加入英皇後,覺得很warm,整個英皇團隊都好錫她,除咗公司老闆及團隊,Irene表示有一個人一定要多謝:「就係我丈夫,因為一直以嚟佢真係好支持我、 支持我嘅演藝事業,係佢話俾我聽『你得㗎!』所以我先至咁堅持去做我自己,我一定要多謝佢!,佢一路喺我身邊support我好多。」 

溫碧霞喺戲中飾演亞洲毒王「教授」嘅長女。(《墮落花》劇照)

另外,問到角逐今年香港電影金像獎最佳女主角一獎嘅信心時,Irene透露就話一切隨緣:「而家攞咗呢個『絲綢之路國際電影節最佳女主角』,對我嚟講已經係一個好大好大嘅支持同鼓勵。金像獎方面,而家嘅心情都係隨緣,所有嘢交俾上天,好多嘢上天會有安排,唔需要太介意得獎與否,咁樣先至會更加開心,用一種好隨緣嘅心態去睇獎項,當你攞到嘅時候就會雙倍嘅開心。」

Irene正同家人喺峇里過新年。(IG:@irenewan730)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。