撰文：鄺鈺瑩
最後更新日期：
武漢肺炎肆虐，唔少市民搶購口罩及消毒用品，亦有藝人紛紛由外國買入口罩再免費派發予香港人。前港姐冠軍張名雅昨晚在ig story上問大家仲有幾多口罩剩，並發文表示外出購物時，被一名老伯伯問到：「你個口罩係邊度買㗎？」張名雅向對方表示口罩係之前買入，對方聽到之後無奈地行開。「我當時立刻看看我手袋裡面有無口罩。好想比口罩佢，幫到幾多就幾多。
失望地，我今日無擺口罩係手袋。」
張名雅同朋友夾錢買口罩送贈予老人家。（IG：@caratcheung）
張名雅在文中提到有唔少老人家都負擔唔起昂貴口罩，並缺乏網上資訊，為此她與朋友各自出資一萬元用作訂口罩予老人家的費用。「大家，你地有無唸過捐口罩？例如家裡有一盒，兩盒三盒口罩都可以捐一個出來？集小成多 !然後我可以親自安排派送。又或者有無人可以介紹邊度有口罩賣？以上只是一個小小想法，大家有沒有什麼建議？」
張名雅同朋友夾錢買口罩送贈予老人家。（IG：@caratcheung）