【武漢肺炎】TVB採取防疫措施 洪永城:盡量避免拍親密場口

撰文:
最後更新日期:

蕭正楠和洪永城昨日(5/2)出席無綫(TVB)劇集《黃金有罪》的宣傳活動,對於最近有臨時演員在電視城內嘔吐,洪永城都有聽聞:「有聽過個訊息,但佢咩病咩事就暫時唔知道,公司就有消毒同預防措施。」提到TVB的防疫措施升級,全面消毒錄影廠,蕭正楠大感安心:「困喺封閉空間做嘢,清潔完錄影廠令大家拍嘢都安心啲。各行各業都有危險一Part,知道工種都會有心理準備,做足安全措施相信都會冇事。演員一個病咗,其他都拍唔到,所以對自己嘅防疫知識、健康都要求好高。」

洪永城和蕭正楠出席無綫(TVB)劇集《黃金有罪》的宣傳活動。(陳順禎攝)

「武漢肺炎」疫情並未受控,洪永城說劇組會先剔走演員間親密的場口:「親密、多人嘅場口會盡量避免去拍,直至疫情去到安全級別。(拍緊嘅劇會延後?)未知道公司安排,原本二月中會開《陀槍師姐》,而家等公司處理。」蕭正楠亦指未收到拍劇延期消息,如期試新劇造型。

洪永城說劇組會先剔走演員間親密的場口。(陳順禎攝)

疫情令大家人心惶惶,洪永城笑言外出時背包重了很多:「有消毒洗手液、消毒紙巾、袋定幾個口罩,係需要嘅呢個時候,感覺安全都重要。」蕭正楠指回家一定要洗手:「慢慢習慣用洗手液洗手,因為都唔知掂過咩嘢。(翠如有冇撲口罩?)撲唔到,真係好緊張。我戥要排隊買口罩嘅人慘,三更半夜排隊,希望疫情快啲過,口罩供應快啲夠。」

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。