【新冠肺炎】《男排女將》拍攝被迫停工 鄧麗欣取消咀戲「避炎」

撰文:葉詩
出版:更新:

鄧麗欣(Stephy)周三(26日)與顧定軒(Zeno)於天水圍為ViuTV新劇《男排女將》開工,久未拍攝港劇的她,笑言閉關近兩個月是全新體驗:「好耐未試過拍一套戲拍咁耐,通常喺香港拍電影最多都係一個月就完成;我入行第一年拍過電視劇,之後咁多年都冇喺香港拍過,一開始唔係好習慣,但係拍咗咁耐之後,慢慢同劇組、演員增進感情,大家好似一家人咁,我見佢哋仲多過見我媽咪,感覺好親切。」

鄧麗欣做足防疫措施,消毒搓手液不離身。

近日疫情肆虐,Stephy直言拍攝進度也受到影響:「套戲有好多時會喺室內運動場、公共地方取景,所以好多場口都要暫時停拍,亦未知場地幾時重開。拍埋今日之後會停一停,等待消息。」作為演員拍攝時一定不能戴口罩上陣,至於有沒有親密場面需要改動,Stephy坦言原定要拍攝一場咀戲,但因為要「避炎」而取消:「原本我同Sam(陳宇琛)有場比較親密嘅戲,本身係要Kiss嘅,雖然只係蜻蜓點水咁錫,但係大家喺互相尊重嘅情況下商議過,決定借位拍攝。」

+3

Stephy日前貼出一則在學校的貼文在社交平台引發熱議,Stephy對此表示:「呢個誤會真係大得嚴重,我自己都寫咗一篇文章去解釋。因為我寫即時動態,喺文字上冇咁複雜,用咗單句子表達。因為戲入面我嘅球隊力圖,喺嗰個場地奮鬥同成長,我哋對呢個地方好有感情,當日亦都係拍攝第五十日,完成之後大家都好開心去慶祝,所以我就講咗幾句說話形容當下心情,我都覺得要同大家解釋返,希望大家明白,唔好太多聯想。」