【多功能老婆】朱晨麗洪永城因「抽水」反目 傳續集有你冇我

撰文:
最後更新日期:

劇集《多功能老婆》作為去年台慶劇收視成績理想,劇中多個角色都大受歡迎,TVB亦有意乘勢開續集﹗不過播出後期朱晨麗接受《香港01》訪問時,自爆洪永城喺戲中自加吻戲,令洪永城相當不滿,有指雙方關係陷入冰點,續集變成有你冇我局面﹗今日有報導指,因為洪永城相當不滿朱晨麗,反而女方表現大方,而劇組亦知道兩個再一齊拍劇機會渺茫,監製陳寶華就表示可能交由觀眾投票決定,處理手法相當獨特。

劇集中洪永城朱晨麗互動笑料百出,估唔到現實中會因而反目。(《多功能老婆》劇照)

《多功能老婆》中幾條感情線都相當入屋,當中朱晨麗洪永城呢一對歡喜冤家,打打罵罵相當搞笑,不過朱晨麗喺去年12月中宣傳活動上,被問到同洪永城合作點滴時,突然大吐苦水:「喺劇裡面佢做我老公,少不免都會有一啲親密鏡頭,但好多時有啲親密行為都係佢自己加,其實本身劇都係寫到點到即止,佢試過有次喺開拍嘅時候,突然加咗去錫我,嗰下我唔識反應落去,嗰一刻我冇理由推開佢,為有頂住專業精神拍落去囉,事後我都有同佢講唔好再加咁多嘢落去,佢冇同我道歉呀,仲話劇情需要,雖然我同佢好好朋友,但都有啲嬲㗎!」

戲中朱晨麗洪永城有唔少攬鍚場面,所以爆出「抽水」一事令人好震驚。(《多功能老婆》劇照)

【多功能老婆.有片】洪永城突加咀戲 朱晨麗表現專業:冇理由推開佢!

報導一出洪永城反擊澄清冇「抽水」,一切係劇情需要:「我只係做返一個專業演員應該做嘅嘢。」並指朱晨麗事後有傳短訊道歉。據知TVB有意原班人馬開拍續集,但「抽水」事件令朱晨麗洪永城心有芥蒂,不願再合作,令原班人馬拍續集勢難達成。記者就事件聯絡過兩位當事人,但暫時未有回覆。

+9
+8
+7

【多功能老婆.有片】回應朱晨麗指控 洪永城澄清:係劇情需要!

有指洪永城朱晨麗心存芥蒂,難以再合作。(資料圖片)

劇集監製陳寶華接受《香港01》訪問時,被問到是否準備開拍續集,佢就話:「唔係我決定,要等公司同千嬅佢哋傾,我比較被動,傾完CAST再同我講。依家好多金主因為疫情都會睇定先。(有傳洪永城朱晨麗有你無我,係咪難以原班人馬?)又唔係第一男女主角,我諗佢哋影響力無咁大,我諗係呢排無咩新聞啫,亦唔會因為佢兩個受影響,如果男女主角大頭換咗影響大啲。同埋件事『疑似抽水』其實唔係咁嚴重啫。」寶華姐又話自己當然都好想拍續集,但拍戲係群體工作,疫情下出外食飯都有感染危機,只能暫時靜觀其變。

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。