【矚目配角】呂珊童星出身睇淡愛情 七八歲見盡離合:點會憧憬?

撰文:
最後更新日期:

上回講到呂珊與梅姐的往事,也講到呂珊參加新秀歌唱比賽的經歷,相信大家又再了解她多一分。珊姐在TVB拍劇多年,唱歌事業也是少有名氣,大家也會略知一二,反而她一直沒有過多提及自己愛情的部份,今年56歲的珊姐依然單身,而她解釋,好大機會是因為自少便加入了娛樂圈。

Credit: 台北·寛巷子@海港城

【矚目配角】微時見證梅艷芳有情義 呂珊:佢好值得有咁嘅名與利

呂珊透露自己對愛情的看法。(梁碧玲攝)

愛情,最簡單直接的解釋,就是找對了另一伴,能夠陪你走過一輩子。珊姐明顯找對一個人是多麼的困難,她說:「我覺得好似你喺生意上搵個合作夥伴長期拍檔都難喇,如果係一齊生活,由瞓到食飯到工作,或者一齊享樂,好多嘢共同嘅,其實都有個難度喺度,所以都係隨緣。」

一切講緣份,睇得好開。(梁碧玲攝)

當然珊姐並不是一直都單身,人生也試過出現另一伴,可惜依然不能長久,她更相信,友情會比愛情走得更長遠,「愛情其實同友情係咪差唔多呢?都係緣份呢?只不過愛情多一兩樣嘢,拖手之類,其實差唔多,有緣咪一齊。其實你都係要畀對方有空間,尊重人哋,咁先可以維持到嗰個情誼嘅長久,但係有時你盡咗幾多力都好,如果真係冇緣都冇辦法挽救。」珊姐指可能很多女士都會對愛情有憧憬,但自己只會專注工作,並不想浪費時間多想,她說:「愛情實質係呢樣嘢唔係坐低發白日夢,諗吓嫁唔嫁入豪門呢?嫁去邊呢?再返去做嘢。我一直以嚟個思想就係諗點樣個工作再做好啲,呢個唔係壓力,而係都有個熱誠喺度做嘢,所以覺得工作,我唔係工作狂,但我覺得工作喺我血液入面運行得勁啲。」

對比愛情,工作更能令呂珊投入。(梁碧玲攝)

【矚目配角】馮素波讚古天樂成名後不忘本:佢照顧同行每一個人

【矚目配角】羅樂林同太太分房九年不離婚:有啲嘢已經各走極端

珊姐五歲開始入行拍下第一部電影,之後展開唱歌生涯,年紀輕輕便踏進這個人稱「大染缸」的娛樂圈,很多想法自然和普通人有分別,她說:「通常女士對愛情都會有種盼望,但我真係冇乜,我太細入呢個圈做嘢,五六七歲就喺呢個圈,我係一路都接觸大人,我身邊係從來冇小朋友群,連我自己由五歲,十歲、十五歲嘅朋友都冇,我一接觸已經係廿幾三十幾,你諗吓一個咁細嘅細路仔,由始至終都係見住勁大嘅大人,你話佢嘅思想係咪有少少異於童年呢?」太早見過太多事,可以是豐富了人生歷練,也可能會對你的人生創造了不能磨滅的痕跡。

雖然珊姐已經56歲,但依然keep得好好。(梁碧玲攝)

即睇更多呂珊靚相:

+6
+6
+6

《香港電影我撐場民選大獎2020》全民一人一票,用行動撐本土!
https://hkmovies2020.hk01.com
旗艦智能手錶 Series 5、Dyson風筒等豐富獎品等你贏!

「見得太多人面孔、太多故事,係好豐富嘅故事充住喺個腦度,細個已經見咁多嘢,你點會憧憬?你唔會諗呢碗麵係咩味呢?都不出甜酸苦辣嘅啫,都知道晒。」或者這便是珊姐到現在也是單身的原因,愛情的體驗,試也試過,看過也實在太多,已經不再是自己需要的目標。「七八歲開始我已經見到啲哥哥姐姐離離合合,好多家庭糾紛又好,幸福又好,好多唔同嘅嘢喺度上演,太多嘢睇到,咁我會記住。我會過濾吓,唔會落閘嘅。」珊姐笑說。

呂珊指自己不會有遺憾。(梁碧玲攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。