羅霖美容院受疫情嚴重影響拒炒人：200萬營業額得返四成
撰文：洪曉璇
出版：更新：
肺炎疫情下政府推出多項防疫措施，限聚令及部分場所附制停業影響相當大。羅霖（Candy）經營多年嘅美容院，早前為配合政府停業令關閉28日，至近日先可以重開影響相當大。佢接受香港開電視主播馬梓軒訪問時話：「疫情發生前美容院每月平均有200萬營業額，現時每月生意額只係佔之前約4成！而舖頭喺港島區，租金貴，但業主唔肯減租！加上停咗業近一個月，更加係雪上加霜！」
羅霖坦言美容院生意只剩之前4成左右。
Candy坦言疫情下曾經感到灰心，但從未諗過放棄美容生意：「抗疫期間一定要樂觀正面，而且我都唔想員工失業，所以都構思咗好多方法扭轉經營困局，例如用『疫情價』吸引多啲客人幫襯！雖然扮靚唔算係生活必須要做嘅嘢，但女仔始終貪靚，所以我有信心生意會隨住美容院重開，會逐漸好轉！」
羅霖堅持做良心老闆唔炒人。
提到本港疫情近日雖然有放緩跡象，但Candy表示與三個兒子都不敢鬆懈：「我宜家啲口罩夠用一年！呢個疫情一日未有疫苗，一日都唔可以鬆懈，加上世界好多地方都未受控！現時大仔同細仔喺香港，二仔Jordan就身在美國！因為當地疫情持續，我都叫佢盡量少啲出街！」
+7