【後生仔傾吓偈】戴祖儀興奮大解放 唔覺意爆粗真我流露

撰文:
最後更新日期:

介紹露營裝束時,戴祖儀脫下外套,騷完前面再騷後面。(影片截圖)

甚少刻意賣弄性感嘅戴祖儀,近日接連因為喺IG上載嘅照片而被網友發現「禾稈冚珍珠」。有樣有身材嘅佢,近年憑《多功能老婆》備受關注,加上《學是學非》、《#後生仔傾吓偈》吸引不少粉絲。

戴祖儀第一次爆粗時,連佢自己都無發現。(影片截圖)

最新一集《#後生仔傾吓偈》以「露營」為題,為示範露營裝束,戴祖儀突然將其長外套脫下,裡面嘅一件白色小背心震撼身旁嘅後生仔,連陸浩明都忍唔住話未見過戴祖儀如此性感。之後戴祖儀提到中學時曾經去過黃埔軍校受訓,或者係因為太痛苦,所以戴祖儀竟然接連爆粗!「記得有一次我真係超唔開心,嗰日好X凍,著咗外套……」或者因為太激動,所以戴祖儀未有留意到自己粗已爆,直到聽到陸浩明在旁即時插咀:「係好凍。」戴祖儀即時十分尷尬,掩咀傻笑,道歉之餘並叫「再嚟過」。

第二次爆粗時,佢有即時改正。(影片截圖)

戴祖儀之後繼續憶述軍校訓練情況,提到被強制要求做深蹲時,竟然又再爆粗!「有時大風嘛,啲頭髮會飛咗落眼,好X痕,唔係,好痕……」知道自己爆粗並即時改正嘅戴祖儀尷尬一笑後,雖然想繼續發表,但由於旁邊嘅後生仔已不停偷笑,所以最後自己都笑埋一份。其實過往麥明詩、陸浩明、馮盈盈都不時喺節目講諧音粗口,但就從未試過出事,不過,今次戴祖儀爆粗到節目出街時要以「靜音」處理都算係第一次。

+19
+18
+17
+13
+12
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。