【鐵雞鬥蜈蚣】笑面虎徐忠信 讚李小龍好打過成龍李連杰

撰文:
最後更新日期:

人稱大師的名武術指導徐忠信,今日(2/6)現身將軍澳電視城出席《飛虎之雷霆極戰》記者會。大師兄徐忠信70年開始在香港影視圈擔任武術指導,曾經與國際巨星李小龍,李連杰,成龍合作,曾參與無數影視作品至今。提到港產電影《黃飛鴻之鐵雞鬥蜈蚣》中角色雷一笑,與李連杰好戲連場,拳拳到肉打到飛,大師兄接受《香港01》訪問時憶述說:「當年李連杰係少林寺出身,功夫都好勁,而我就係京派出身,有時我哋兩個打起上嚟,大家都有誤打到對方,有時我中咗拳都要表現得冇事,仲要笑笑口咁,佢俾我嘅印象係一個工作好認真嘅人。」

大師認為香港缺乏動作演員,慨嘆青黃不接,遲早被市場淘汰。(梁碧玲攝)

(雙方有否打到出火,反面收場?)大師兄坦言未曾發生過:「因為袁和平佢係當時武術指導,一見唔對路就會叫Cut機,指導就會出聲叫停。」(覺得三位巨星李小龍、成龍及李連杰邊個好打?)大師直言:「一定係李小龍好打,我眼見到李小龍係一個出手就到位嘅人,一嘢就會中,而成龍就係一個動作演員,但身手就非常捷靈活,而李連杰動作方面都優勝,但講實打我都係覺得係李小龍。」

大師表示同李連杰拍對打戲,少不免都會受傷。(梁碧玲攝)

+4
+4
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。