【多圖】梁芷珮學霸大仔生日:16年前不理世俗眼光決定生佢出嚟

撰文:
最後更新日期:

梁芷珮雖然已是三個子女的媽媽,可是卻絲毫沒有鬆懈,仍然勤於運動。(Instagram/@imchristyleung)

+10
+10
+10

憑TVB旅遊節目《潮甚麼》廣受觀眾歡迎,被封為「人妻女神」嘅梁芷珮(Christy),上個月剛度過38歲生日,身為三孩之母大仔原來已經16歲﹗呢日佢喺IG上載母子合照,憶述:「16年前,不理世俗眼光,兩口子決定生佢出嚟。」

梁芷珮經常分享同三個仔女嘅生活照。(IG:@imchristyleung)

Christy二十歲出頭已經做人妻人母,當然受唔到少壓力:「16年前,不理世俗眼光,兩口子決定生佢出嚟,朋友仲返緊大學,我哋就返工湊仔,16年嘅風雨一步一步咁衝過,將湊大佢成為人生最大嘅動力,今日Brendan 16歳喇! 生咗佢係我一生人最proud嘅事!Happy sweet 16 Brendan!!!」

梁芷珮貼出十多年前同大仔Brendan嘅合照。(IG:@imchristyleung)

梁芷珮大仔眨下眼就16歲啦。(IG:@imchristyleung)

主力拍攝旅遊節目嘅佢,走訪超過20個國家,拍攝節目時經常一家五口出動,3個小朋友喺鏡頭後睇住父母工作。Christy不時喺網上分享一家五口生活照,曾經喺IG表示:「咁早生小朋友,就係為咗夠氣力陪佢哋玩,琴日玩足一日。」

梁芷珮話自己早生bb先有力陪佢地周圍玩。(IG:@imchristyleung)

原來16歲大仔仲係學霸﹗正就讀2017年被劍橋大學評為100間創新學校之一嘅International College Hong Kong,而且好有運動天份,年紀輕輕已經係香港高爾夫球代表,仲拎到獎學金幫補每年16萬嘅學費,完全唔使父母擔心,難怪Christy可以專心KEEP FIT拍節目做個靚媽啦﹗

梁芷珮大仔原來成績相當唔錯,仲係香港高爾夫球代表。(IG:@imchristyleung)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。