【異搜店】吳業坤同陳曉華演情侶 興奮搵貓錫嘴練習:好似中頭獎

撰文:
最後更新日期:

吳業坤(坤哥)今日(29/6)出席在電視城舉行的無綫新劇《異搜店》造型記者會。坤哥笑言終於可以擺脫過往廢青角色,一嘗做醫生滋味,「開始慢慢做一啲專業人士嘅職業俾我去做,咁都好嘅,可以將自己嘅形象慢慢轉變,好似初初我演嘅角色,大多數都係演一啲廢青同MK仔角色,而家慢慢將我嘅戲路改變係一件好事嚟。」

吳業坤知道要同陳曉華演情侶,興奮到好似中頭獎。(陳順禎攝)

(同陳曉華有感情線?)坤哥直言:「其實當我收到劇本之後,知道同Hera有感情線,莫講話嗰日瞓唔着,我而家都瞓唔着呀!得而且確好似中咗頭獎咁, 真係好多謝監製,好似戲裡面我同佢都好似有Goodbye kiss ,咁所以我都會每日好好咁練習,去錫下我隻貓演一番先。」

坤哥為了要同Hear拍親熱戲,笑言每日會錫貓來預演練習。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。