莊端兒下廚有板有眼　妹頭大讚：海鮮達人！

莊端兒（Xenia）呢日出席香港開電視烹飪節目《30分鐘大放》錄影，聯同節目主持妹頭盧頌恩下廚，一同炮製蘿蔔胡椒大蜆湯、枝竹豆腐冬菇燜沙巴龍躉、芝士焗龍蝦烏冬底、瑤柱水蛋蒸澳洲加菲蟹。

要處理龍蝦、加菲蟹、甚至龍躉等海鮮，其實都非常考功夫，Xenia卻輕鬆地將牠們拆殼切件，成功炮製一頓海鮮大餐，令人眼前一亮：「我首次於烹飪節目中擔任主角，以往都好似妹頭咁做副手角色，希望觀眾以後知道我係識下廚。」

妹頭認為Xenia廚藝了得，勁想跟她偷師：「佢根本係海鮮達人！一睇一摸就知道係咪新鮮，跟佢去街市買餸唔使擔心被騙。」Xenia指家人照顧周到，近年廚藝反而略見退步，之後打算積極經營YouTube Channel教人煮嘢食。Xenia又表示自己相信「要留住男人先要留住佢個胃」呢個說法，希望早日搵到一個會欣賞佢廚藝嘅另一半。