【後生仔傾吓偈】著功能內衣豐滿上圍 馮盈盈:每日好似著避彈衣

撰文:
最後更新日期:

為咗令自己更豐滿,馮盈盈買內衣最緊要有push up功能。

近幾集《#後生仔傾吓偈》都係以身材為主題,而最新一集就更係以「內衣的學問」為題,對於揀內衣嘅習慣,一眾後生仔以「舒服」、「通爽」為原則,至於後生女揀內衣嘅習慣,戴祖兒就話一定要粗帶並十分抗拒喱士款項;而向來縑自己身材唔夠豐滿嘅馮盈盈就話一定要「Push Up」,仲話去到內衣店時,只要谷得出事業線嘅都會買。

講到好激動

連件衫都爆開

「過千元一件嘅都買過,但坦白講人生最push得嘅係喺柬埔寨一個跳蚤市場買!」喺泰國買bra就話聽得多,但盈盈竟然買到去柬埔寨,而且仲讚不絕口,到底有咩特別之處呢?「因為大學去旅行時,一落地就話啲行李寄錯咗,於是就去夜市執幾件內衣,佢哋啲bra真係不得了,個pad厚到好似海棉、馬拉糕咁。我本身買咗兩個諗住粗著,點知著完唔捨得,最後係拎埋返香港。」馮盈盈仲話嗰個柬埔寨的bra雖然只係十幾元兼且無牌子,但絕對係性價比高。

馮盈盈話功能內衣好似避彈衣咁

節目中,盈盈亦提到試過為咗改善身材而穿功能內衣,但就辛苦到喊。「首先個bra本身特別多布,已經頂到上腋下,原來除咗bra仲有背心,件背心好似避彈衣 由上扣到中間,我每日好似著緊避彈衣,好緊!」雖然緊到難以呼吸,但盈盈就話都有啲成效,所以唯有繼續著。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。