陳山聰上載全家福宣布囝囝滿月 圈中好友佘詩曼李施嬅留言送祝福
撰文：陳芷穎
出版：更新：
陳山聰上年11月與拍拖5年的圈外女友Apple拉埋天窗後，短短數月就造人成功，7月頭宣布囝囝Jaco已經出世，話咁快，今日（31/7）就滿月喇！陳山聰在IG上載了溫馨的全家福，相中他一臉慈父樣，抱着囝囝幸福冧爆。
陳山聰上載了溫馨的全家福宣布囝囝滿月。（IG/ @joelshanchung）
他留言寫着：「滿月霆軒」，一連串hashtag包含了對囝囝的祝福，#身體健康、#快高長大、#聰明伶俐、#頂天立地。圈中好友佘詩曼、譚凱琪，陳敏之等都有留言恭喜山聰。而李施嬅則說：「Sweet爆！以後Daddy努力賺錢就係為咗買衫畀仔仔」。
太太Apple都有在社交平台分享消息，她寫着：「我的小寶寶今日滿月喇！媽媽希望你身體健康、快高長大，天天開心」，hashtag #一家三口、#健康快樂嘅寶寶，陳山聰隨即留言：「辛苦妳喇媽媽」，簡直羨煞旁人。
點撃睇山聰與囝囝溫馨照片：
+14