王卓淇曬長腿意外令曝光豪宅　爸爸內地擁50萬呎超級廠房

疫情期間，唔少藝人stay home之餘亦不忘做運動，令近期多個藝人豪宅曝光。前港姐王卓淇日前喺IG分享 同貓星人嘅合照時，網民重點除咗係佢嘅長腿之外，長長嘅樓梯亦令網民直呼「好高貴」，並推測王卓淇住嘅應該係復式單位。

29歲嘅王卓淇，喺2014年選港姐時被發現爸爸係護膚品生產商，內地營運超級廠房，面積有成五十萬呎。而王卓淇亦手持大角咀一號銀海同廣州白雲區600萬物業，十分富貴，試過開工拍劇時，帶埋菲傭姐姐到場，十分有排場。

雖然王卓淇手持大角咀一號銀海單位，但據悉佢住喺啟德Oasis Kai Tak。屋苑2018年開賣時，其中一伙只得494方呎的兩房戶不足兩個月賣貴300萬元，呎價貴絕啟德。