【殺手】謝東閔黑化殺人超震撼 嚇親嫲嫲：點解個孫變成咁
撰文：吳子生
出版：更新：
謝東閔（Brian）今日（5/8）現身將軍澳電視城出席無綫劇集《殺手》宣傳造勢活動。提到在劇中虐殺小秉（林景程飾）情景雖然殘酷，令觀眾睇到心寒，但精湛演出亦大獲好評。Brian表示：「其實出咗街之後個反應都好大，我都好開心，都會好多人問我點解會咁做，亦都喺網上睇到好多人關注我殺人嘅嘢，咁所以證明呢場戲係成功嘅。」
謝東獲網民大讚演技有進步。（陳順禎攝）
（女友朱智賢有冇讚你？）Brian直言：「咁又唔知喎，真係要問吓佢喎，我冇問佢呀！相信佢會有睇嘅，不過我阿嫲嫲先好笑，佢睇緊嘅時候同我講：『我個孫成日俾人打，希望佛爺快啲死啦』，跟住都我殺林景程嘅時候，我嫲正頭轉台對住我講：『點解我個孫變成咁㗎』，我嫲嫲真係笑死我，我同佢講係真㗎，不過我成日都會同佢講笑！」
謝東閔期待已久虐殺林景程畫面終出現，直言相當滿意自己表現。（陳順禎攝）
+1