黎瑞恩生蛇上眼險毀容 受折磨近一個月：病情反反覆覆
撰文：洪曉璇
出版：更新：
馬浚偉同黎瑞恩主演嘅舞台劇宣佈延期演出。
馬浚偉宣佈因為疫情關係，將舞台劇延至明年公演。劇中女主角黎瑞恩除咗綵排外鮮有露面，原來佢病重生蛇上眼仲差啲毀容﹗小恩子留言話已經病咗接近一個月：「病情反反覆覆，依家好似已漸入佳境，但係就非常痕癢。」
黎瑞恩對上一次公開露面已經係7月26日錄影《流行經典50年》。（Facebook：@黎瑞恩 Vivian Lai）
黎瑞恩上載自拍照到Facebook，見到佢面部生蛇，接近左眼及眼眉相當紅腫。小恩子話：「發現隻眼好唔舒服腫咗，初時以為自己生眼瘡，點知睇完醫生話我隻眼生蛇唉！我成個人最靚就係對眼點知....上次Live已經係7月23日，條蛇搞咗我差唔多已經一個月喇，因為疫情，舞台劇改咗在家ZOOM排練，初時都有頂硬上，但愈來愈辛苦，最後都要向劇團告假，喺屋企大概休息咗3個禮拜，病情反反覆覆，依家好似已漸入佳境，但係就非常痕癢，希望盡快好番。」
黎瑞恩生蛇生到上眼，見到都覺得痛。（Facebook：@黎瑞恩 Vivian Lai）
+11