黃心穎停工年半生活依然富貴 被爆與RB泥鯭不時拍拖行超市

撰文:鄺鈺瑩
出版:更新:
在港孭住兩層樓嘅黃心穎雖然工作未有著落,但生活happy ,主力湊狗仔以及幫家姐湊BB。(IG:@jacquelinebwong)

自去年爆出「安心事件」後,形象插水嘅黃心穎一直停工至今,閒來弄狗為樂,及為三家姐湊仔,零工作下繼續過住周身名牌生活。熱愛買樓嘅黃心穎,早年先與家人擲近1,200萬買入油塘的Ocean One用作自住,另於2017年以850萬買入嘅啟德天寰,據知近日已成功放租,大大減輕了供樓壓力。

有指泥鯭同黃心穎已暗交半年。(IG@黃心穎)

感情方面,早在2月時黃心穎被發現與樂隊RubberBand成員泥鯭逛大型寵物店,全程有傾有講,及後泥鯭更自爆與拍拖多年嘅女友結唔成婚,回復單身嘅佢至6月時,再被發現陪黃心穎帶愛犬睇獸醫,頻頻見面,可見二人關係非淺。

RubberBand鼓手泥鯭去年領養唐狗「可樂」。(Instagram圖片:rubberband)

近日,有街坊向媒體報料稱,目撃二人曾行逛附近的超市,並透露泥鯭早年與家人買入嘅600呎的「居屋王」富榮花園,而物業已升值近千萬元,所以就算近年RubberBand工作量唔多,亦至少叫有樓喺手,生活唔憂大把時間陪黃心穎玩狗。

泥鯭年初時自爆與未婚妻分手!(IG圖片)

黃心穎到底有幾愛名牌?!

+21