孫慧雪修身有成著3歲囝囝上衣　網友：咁樣撐大哂阿仔點著得番？

早前成功減去10磅嘅孫慧雪，連日來大曬修身成果，同網友分享瘦身不瘦胸秘訣。呢日佢上載身穿緊身上衣嘅相片，原來係3歲囝囝Riley嘅衫﹗

雪雪留言笑指減肥仲成功慳錢：「減肥嘅其中一個好處，就係可以同個仔share衫著（着），年中都慳唔少！！#減肥好處多#有冇媽媽同我一樣#攞個仔啲衫著（着）#一起加油」38歲嘅雪雪居然著得落3歲童裝，令唔少網友大呼驚訝，笑言：「咁樣撐大哂阿仔點著得番」仲有人留意到衫上圖案同字變形，雪雪就話係自拍鏡頭調轉所致。