呂方本月初升任新手爸爸　太太伍惠寶首度公開囡囡樣貌

現年57歲嘅呂方今年5月與有「網絡買餸天后」之稱，擁有半億身家嘅圈外女友伍惠寶（Rainbow）拉埋天窗，而且係雙喜臨門，囡囡8月初出世，呢日新手媽媽上載母女合照，BB女首度曝光。

呂方除咗有入產房陪產兼親手剪臍帶，連日來都照顧好太太坐月需要，呢日Rainbow上載母女合照。見到新手媽媽精神相當唔錯，同囡囡鼻尖掂鼻尖好溫馨。BB女頭髮好濃密，面豬漲卜卜，戴上頭帶相當可愛。據知呂方落手落腳餵奶掃風沖涼換片等工作，好等太太可以休息。