【多圖】陳自瑤生日獨拍婚紗照 化身花仙子:出於污泥而不染的潔

撰文:洪曉璇
出版:更新:
陳自瑤一啲都唔似就嚟40歲。(IG:@chenchiyiu)

8月27日係Yoyo陳自瑤39歲生日,佢選擇拍攝一輯與別不同嘅婚紗照,作為送俾自己嘅生日禮物,有別於Yoyo一向鄰家形象,呢輯復古奢華風格相片,走到荷花池中猶如花仙子一樣:「此情此景此刻有看到不一樣的我嗎?」

陳自瑤呢輯復古奢華風嘅婚紗照,令人眼前一亮。(IG:@chenchiyiu)

據攝影師所講,呢次拍攝喺一個私人荷花池,由籌備到拍攝用咗足足十七日﹗拍攝當日耗時超過12小時﹗Yoyo身穿以色列設計師Inbal Dror嘅長袖婚紗,輕紗透視閃片,一舉手一投足都似仙子一樣,配上黑色小禮帽及圓形垂吊大耳環,手上拎住小手袋及荷花,相當優雅。

陳自瑤身穿以色列設計師Inbal Dror嘅長袖婚紗,輕紗透視閃片,一舉手一投足都似仙子一樣。(IG:@chenchiyiu)

Yoyo喺IG上載呢輯相留言話:「這是一份送給自己特別的生日禮物,這些年我不斷嘗試從內到外突破自己,走出自已的舒適圈,嘗試多一些不同的元素,在自己身上發掘多一點的可能性。而拍攝這輯相片也是希望尋找不一樣的自己。當我置身於這片荷花池,我深深地被這畫面震撼了。一直很喜歡荷花那種清麗脫俗的美,出於污泥而不染的潔,此情此景此刻有看到不一樣的我嗎?」

+17
你可能感興趣