使徒行者|張振朗第三輯變重要角色:林峯仲記得我鬧佢!

撰文:
最後更新日期:

無綫(TVB)深宵劇場時段一直有不少捧場客,繼早前重播《使徒行者2》(2017),緊接的是《使徒行者》(2014)。《使徒行者》除了主角林峯、佘詩曼、苗僑偉以及許紹雄等夠亮眼之外,一眾配角亦非常矚目,例如木蝨(梁烈唯飾)、反派葉兆良(鄧健泓飾)、小頭目撻沙哥(彭懷安飾)以及猜 Fing(林偉飾)等,其中當年屬於配角的張振朗(Owen)和林峯對手戲非常多,至今相距6年,Owen已經榮升男一。

《使徒行者》的張振朗處處針對林峯。(TVB)

回想起當時,Owen表示經歷了很多事情:「當時剛演戲膽生毛,對住林峯好開心,一入嚟可以同佢演戲之餘又可以係咁鬧佢,邊個可以有啲咁嘅機會。當時演技緊係有待進步,但係會覺得唔怕死,我覺得幾得意。嚟近《使徒行者3》都會做另一個角色,我都有同阿峯拍對手戲,我都會問佢記唔記得我鬧佢?佢話緊係記得,但依家反而我同佢有對手戲我會怯,以前都唔會有,年輕個陣真係唔同啲。」

當年同林峯對戲,張振朗覺得自己係膽生毛。(TVB)

與林峯相隔多年再合作,Owen除了覺得他演技成熟了之外,更是有一種小粉絲的心態去看他演出,「佢真係一個好正嘅演員,好勤力亦都好揮灑自如,我覺得係好學習到。我喺現場側邊睇佢做戲真係幾正,衰啲講句,我讀書都有睇佢,所以真係好正,親身咁望,所以我都係佢小粉絲。」

Owen表示真係好鍾意睇林峯做戲。(梁碧玲攝)

Owen被大家開始認識的時候絕對是在TVB綜藝節目中模仿張智霖,因此他有一個稱號叫「翻版張智霖」。若說得到真真正正的演戲機會他覺得不是《使徒行者》,而是《踩過界》,他說:「正式令人認得係《踩過界》,個陣終於洗甩咗張智霖形象。去到今次《反黑路人甲》,真係會畀人覺得張振朗原來可以咁樣做戲,我希望畀觀眾感到我每個角色都好努力。」

點擊睇更多Owen照片!

+2
+2
+2

睇睇王浩信和張振朗係《反黑路人甲》有幾登對!

+19
+19
+19


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。