方力申爆林盛斌最愛做媒人:介紹比我嘅唔係離婚就係喪夫
撰文:鄺鈺瑩
出版:更新:
陳瀅、方力申同唐詩詠齊齊接受《Tiger`s Talk 》嘅訪問,節目中,陳瀅直指方力申係心目中嘅理想型,又話自己想日溝佢,非常直白。回復單身4年多,方力申透露林盛斌介紹過唔少對象比自己:「佢話呢個好好,不過老公剛剛上星期去世,我話咁等人過渡咗呢段時間先啦,之後再介紹,係啱啱離咗婚。」唐詩詠亦表示Bob在友人嘅after party上,企圖做紅娘,但結果場面十分尷尬。
節目中,問到4年間可曾心動過時,方力申尷尬一笑後才表示「無」,他說唔少人都認為自己花心,或者是因為大家都唔會欣賞正常嘅人,又指過往嘅緋聞令外界認為他是花心。「強如馬國明,外面啲人都會話佢花心,因為大家就係鍾意聽呢啲嘢,所以你點洗白自己都好,外界都係會咁講,但男人無咩所謂,我五十歲都可以搵另一個,但女仔唔同,所以我覺得女藝人係好辛苦。」
被問到至今依然係單身嘅原因,方力申表示:「可能啲女仔覺得同我一齊就要埋單,唔可以再玩,一定要結婚生仔,我以為我刻咗『唔係?兩個字喺額頭,但無人會知。(咁係想要結婚生仔?)其實呢一行嘅人,無一個流程比自己,同埋我要講一句,我從來無一段感情係同我探討過結婚呢個問題,從來無一個女朋友。」方力申強調無一個女朋友同我坐低講結婚嘅嘢,Bob問到「上一個有無講?」時,方力申欲言又止,最後才說出「去到最後講都無用架啦。」方力申與鄧麗欣拍拖十年之久,2016年二人宣布和平分手後,曾有指方力申一直有意拉埋天窗,甚至已準備驚喜求婚派對,奈何單親家庭長大嘅鄧麗欣一直對婚姻有恐懼,如今在節目中表示從未有女朋友同自已談論婚事,似乎印證了當年嘅傳聞。
+26