【金宵大廈2】李施嬅演繹全新角色挑戰演技:沮喪吃力要絞盡腦汁

撰文:陳芷穎
出版:更新:

李施嬅(Selena)今日(16/9)現身九龍城出席慧妍雅集可重用口罩捐贈活動,她更在宣傳片中大跳熱舞,盡展柔軟筋骨:「今次想派環保口罩,因為日日製造垃圾都唔係辦法,呢啲口罩入面有殺菌成份。我要喺宣傳片跳舞,展示下脊骨冇問題,幫到人又做埋環保。」

李施嬅出席慧妍雅集可重用口罩捐贈活動。(梁碧玲攝)

正忙於拍攝無綫劇集《金宵大廈2》的施嬅活動後又要趕回劇組,對於《金宵2》的劇情,她指因合約問題不能透露更多,不過有信心帶給觀眾驚喜:「簽晒合約冇得透露,我想透露都冇得透露。只可以話今次比上次嘅故仔去得更加盡,睇到毛管戙,所以會有驚喜。(邊方面令你毛管戙?)劇情方面,多咗好多新成員,有好多好戲之人,例如伍姑娘(伍詠薇)。前幾日睇片,覺得成件事好靚,今次有返多少少Budget,上次好低成本,希望今次畀到多啲驚喜觀眾。」

正忙於拍攝無綫劇集《金宵大廈2》的施嬅活動後又要趕回劇組。(梁碧玲攝)

《金宵大廈2》大玩平行時空,李施嬅要演繹全新角色,她直言是演技上一大挑戰:「我同陳山聰演技上係更大挑戰,上一輯做咗兩個角色,今次新角色要做上一次冇做嘅嘢,要不停增加性格,有啲沮喪、有啲吃力,都幾大挑戰。(同山聰有感情戲?)係呀,同上次一樣,10個單元,我同山聰會穿插。我哋嘅感情線同上次好唔同,演技上今次辛苦啲,要絞盡腦汁做一啲新嘢畀觀眾睇。」

點撃睇更多活動照片:

+11