苑瓊丹為錄開電視節目近一年無得賺人仔 預告將進軍美容界

撰文:
最後更新日期:

對於《開工大吉77》會否有第二季,苑瓊丹表示未與開電視詳細研究。

由苑瓊丹(苑仔)主持嘅開電視節目《開工大吉77》,播足一年有多,原來唔經唔覺已經去到尾聲,節目過往請嚟多位久未有在幕前出現嘅藝人,如曹查理、施明、唐麗球等等都成功引起話題。不過有指指開電視暫未有意開第二季,令唔少觀眾大感失望,苑仔接受《香港01》訪問時,表示自己喺內地有唔少工作,所以對於《開工大吉77》會否有第二季的話要與高層商議:「係有講過,但未有時間坐低細傾。如果要繼續,都要睇下會唔會有可能我喺內地時都進行到呢邊嘅節目。」

苑瓊丹即將進軍美容界,她更表示唔怕競爭大,因為有信心自己嘅產品會大受歡迎。

苑仔近年接拍不少內地嘅網絡電影,可謂長做長有,不過自從疫情爆發後,加上《開工大吉77》頻繁錄影,令苑仔留港一年多,問可有計算過損失多少時,她說:「又唔可以話損失,我留喺香港陪多咗屋企人,呢啲都唔係用錢買到。同埋我嚟緊有生意要搞,可以話係塞翁失馬,焉知非福。」苑仔提及嘅生意,她及後解釋是高科技美容,並指涉及唔少專利技術,所以近來頻頻與相關人開會,但問到投資多少時,苑仔就話「唔會少」,並指已經搵埋地方。她說:「我對呢個美容生意好有信心,因為佢唔需要開刀,但已經可以令人蘋果肌提升,又可以美白、收細毛孔。」苑仔又謂已經搵嚟唔少圈中好友測試,效果可謂十分成功。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。