蔣家旻未敢諗《反黑路人甲》成代表作 望水姐一角留在觀眾心中
撰文：張嘉敏
出版：更新：
蔣家旻出席全港首間女性專屬健身中心開幕活動，她表示自己從三年前開始養成做gym的習慣，有時間的話一星期會做兩、三次，如果工作太忙就很少去做：「我會因為唔夠時間休息，好攰而邊做邊恰眼瞓，教練叫我唔應該勉強自己去做。我會操練全身肌肉，但就比較着重上半身，女仔好驚有bye bye肉，同埋我背肌幾厚。因為疫情，我呢兩個月無得做gym，已經無咗啲肌肉。」她又透露最不滿意自己條腰：「我腰型唔明顯，同埋橫隔膜比較橫，着高腰裙或者褲望落條腰會好似好粗咁。」
張曦雯與蔣家旻都有健身的習慣。（梁碧玲攝）
提到她有份主演的劇集《反黑路人甲》收視和口碑都理想，她的演出好搶鏡且備受網民的讚賞，問到她可會覺得這套劇是她從影至今的代表作，她說：「最初拍嘅時候唔敢諗係咪會成為自己嘅代表作，淨係會當係一個好大嘅突破，好開心自己唔再係做一啲妹妹嘅角色。依家出街畀人叫我做水姐呢個角色名，我都覺得好開心，希望水姐可以繼續留喺大家嘅心入面。」
蔣家旻最不滿意自己條腰。（梁碧玲攝）
蔣家旻演的水姐是她在演技上的大突破。（梁碧玲攝）