鬼同妳上位|新女Angus撩咬嗌 節目鬧完ig再爆:同八婆一線之差

撰文:鄺鈺瑩
出版:更新:
有女有是非,新加入嘅張若錡(Angus)一出場,連火都有埋,呢款港女表情好明顯細細個就已經練成。(影片截圖)

ViuTV靈探真人騷《鬼同妳上位》搵嚟8位女參賽者勇闖猛鬼之地,由於全部都知名度非常有限,為咗爭取出鏡機會,人鬼情未了、冥婚、碟仙咩都敢玩,不過節目播出一星期,就已經有兩位參賽者為保命而退賽。昨晚播出一集,新加入嘅張若錡(Angus)表現勇猛,入屋做靈探時,更以主導身份帶住男主持保錡四處走。

又要上位又要怕,Aki會唔會係下個退出嘅參賽者呢?(影片截圖)

節目中,火火提議眾人入屋玩伏匿匿,仲話最先被捉到會得到冥婚作為懲罰,知道自己將受到懲罰嘅Aki耍手擰頭之餘,仲出動埋眼淚,期間有人安慰表示:「可能有啲有義氣嘅會幫你頂,Mangie、Angus會幫你。」之後保錡食住上「Angus話想做,佢話可以嘅。」Angus隨時帶住怨氣咁話:「你喺佢喊晒嗰陣夾硬質我食,我都要食啦﹗」火火再次確認Angus是否願意頂替?仲叫佢望望Aki喊得幾可憐,估唔到Angus都即時交出一個喊樣,並表示:「我都可以喊㗎﹗」然後大笑。幾位主持人之後雖然提到「娛樂圈就係你今日幫佢,將來佢幫你」,但亦提到最終決定權喺Angus手上,Angus喺十萬個不情願下表示:「咁是但囉。」

互相指責片段隨時比靈探更吸引。(影片截圖)

當觀眾以為事件就此告一段落之際,估唔到廣告之播,節目竟然播出Aki同Angus嘅對罵片段!Angus瞪大雙眼話:「其實冇人係想頂,唔好以為喊就係慘等如可憐,唔玩得咪玩,唔好參加,專業少少得唔得?」Aki抺住眼淚話:「咁我自己做番,我唔想人哋喺鏡頭前話應承幫我頂,依家又話到我迫緊佢咁囉,咁我專業少少自己做番囉﹗」Angus高八度話:「喂﹗我依家冇話唔幫你喎﹗」你一句我一句,兩女對罵中,火花四濺,其他女參賽者都只有在旁剝花生,期間亦有工作人員問Aki點解唔好好表達自己嘅意願。問到Angus有咩感想時,佢有串串貢表示:「我覺得佢好慘,而家我有講錯咩?我已經唔係mean,都係講事實。」之後仲叫Aki一齊補拍,態度八婆到不得了。

點擊下圖睇Angus不同的港女a.k.a八婆表情

+32

節目播出後,有網民認為Angus如果唔想幫可以一早出聲,並認為佢態度有問題。而Angus亦在IG Story發長文回應,她提到由於拍攝時非常熱,見埋Aki喊就即時燥底,並指橋段並非由節目組安排。「對事不對人,有火花先好睇,係我歷練唔夠,直接同八婆一線之差,令你地覺得我係臭x港女既唔好意思,我係咁嫁啦,真人show嘛。」

其實Angus曾推出寫真而且拍過微電影《下一秒,追到你》

+4