張玉珊內地隔離不忘健身　無敵景觀單位入場費近4千萬

45歲「美魔女」張玉珊（Shirley）保養得宜，無論係身形同皮膚都Keep得非常好，近年更開設IG同大家分享扮靚、保養心得。去年入主連鎖健身中心Goji Studios嘅張玉珊，喺疫情爆發時，留港開會之餘，仲不時同好友甄子丹、周勵淇等人見面。不過，日前張玉珊喺IG發帖表示可以喺朋友屋企隔離，並且不忘運動，片段中，只見張玉珊除咗跑步之外，仲有玩可以練腰瘦臀瘦腿嘅划船機。

之不過，更為吸引網民眼球嘅應該係張玉珊呢個有無敵海景嘅朋友屋企。由張玉珊上戴嘅片段所見，能夠望到深有春繭之稱嘅深圳灣體育中心，從而推測張玉珊從住嘅應該係頂級豪宅深圳灣1號（One Shenzhen Bay），入場費由3,700萬人仔起，曾有指2018年一個5千呎無敵景觀單位，以1.6億人仔成交。