鬼同妳上位|搬龍門淘汰制惹觀眾不滿 紅色旗袍遊地獄唔怕出事?

撰文:鄺鈺瑩
出版:更新:
稱聲玩同唔玩都無所謂嘅Aki,喺民選下出局表現得非常委屈。(影片截圖)

經歷過幾位參賽者退賽,又有新血加入後,ViuTV節目《鬼同妳上位》進入第一輪淘汰,由6女互相指出最想淘汰,到最後由竹節目組揀出被認為扮嘢、搬弄是非嘅Aki,予人不合群、莫不關心嘅Odi,再二揀一,最終Aki大比數勝出。不過,單位呢一部分就引來觀眾巳嘅不滿,直指看似民意,實際早已內定,火火仲要話「你唔好理內唔內定,I'm the law,有咩不滿都好,娛樂圈係咁架啦。」

荒山野嶺加紅色旗袍。(影片截圖)

眾人之後移師到既發生過謀殺棄屍 、車內燒炭又有上吊嘅荒山野嶺繼續挑戰膽量:着紅色旗袍模擬上吊,與此同時,七羽仙會帶住大家遊地獄,單係睇畫面,5位着住紅色旗袍嘅參賽者喺樹下嘅畫面已經令人非常不安,再加上七羽仙師傅係咁話眾生好多,但又一邊叫大家遇到咩都要意志堅定,難度真係高達9.9分。除咗柔柔之下,其他4位參賽者都感到不舒,又或者係聽到腳步聲。

遊地獄,七羽仙師傅叫大家要意堅定。(影片截圖)

由於柔柔嘅零感受,所以被安排用手通靈,據七羽仙師傅表示用手通靈成功率比較高,結果喺佢作法無耐,柔柔已經感受到有嘢拍自己肩膊,但或者佢表差仍然太平淡,所以令火火幾唔滿意,仲話佢似喺醫院掛號。有網民睇完之後,直指整個節目表現最差嘅其實就係火火,仲要求換KB上場。

點擊下圖睇Toto靚相

+14