朱智賢9月起頻密更新IG 親自回應以台慶劇回歸幕前試水溫?

撰文:洪曉璇
出版:更新:
朱智賢以往不時於IG發福利照。(IG@ashley_ellabel)

34歲嘅前港姐朱智賢(Ashley)原本受力捧準備上位,點知今年4月被發現,背住男友謝東閔搭上已婚人夫黎振燁,雖然TVB馬上安排謝東閔陪同Ashley開記者會,可惜聲淚俱下仍未能挽救,形象插水即時被送入雪櫃。相隔半年終見曙光準備復出﹗

無綫藝人朱智賢疑搭上人夫黎振燁,朱智賢在男友謝東閔陪同下在開記者會,首先發言的謝東閔便指自己知道事件來龍去脈:「我會陪你走過呢一關!可能係一時間有啲迷失,我自己都有少少責任,可能我成日掛住工作,疏忽咗佢。」(葉志明攝)

以前朱智賢不時喺IG貼福利照,DEEP V、泳衣、浸浴照不時可見,事發至今半年以來形象大改變,9月10日以來14篇IG,唔係行山做瑜伽,就係放狗,重建鄰家少女正面形象。

朱智賢以前貼嘅出遊照唔少係泳裝。(IG:@ashley_ellabel)
+15

據知TVB一直觀察外界對朱智賢反應,嚟緊佢有份演出嘅《踩過界2》係今年TVB台慶劇之一,雖然朱智賢只演出其中一個單元故事,但正好可以作為復出前試水溫之作。朱智賢雖然停工但仍有努力KEEP FIT保持最佳狀態,身形未見走樣,《踩過界2》宣傳活動會唔會現身?就復出一事曾聯絡朱智賢,佢回覆《香港01》時表示:「《踩過界2》播出日期我都唔係好清楚。」

9月起朱智賢頻密更新IG,分享好多健康運動照重建形象。(IG:@ashley_ellabel)
+4