伍家謙遇電話騙案爆笑收場 扮囝囝索5萬：你仲有四日先六個月大
撰文：洪曉璇
出版：更新：
著名現任及前新聞主播伍家謙（資料圖片）
騙案層出不窮，由祈福黨到賣口罩，雖然成日提醒大家要留神，但自己面對時又可能唔知俾咩反應。伍家謙近日喺Facebook發文分享，話自己第一次收到騙徒電話，如何機智擊退令對方自行收線。
伍家謙指自己第一次遇到電話騙案。（Facebook：伍家謙）
伍家謙留言話：「收到個騙徒電話。上網睇人講得多，原來真係有嘅。」更指那位仁兄用好心急，喘晒氣嘅聲線，配上唔純正嘅廣東話跟他說︰「爸爸，可唔可以入五萬蚊畀我同學？佢有急事呀！」伍定謙臨危不亂，回應道：「你仲有四日先六個月大喎，邊個係你同學呀？同埋唔該你唔好再扭喇，嗱嗱聲同我食晒啲奶佢啦。」這個對話令對方即時收線，行騙失敗。伍家謙最後更加上「#用愛感化騙徒」作結。留言一出令網民捧腹大笑，事關伍家謙對龍鳳胎今年4月先出世，5個月大BB如果識打電話求救應該係神童啦﹗
+5