陳家樂34歲生日 壽星仔正日都要開工：想快啲結婚！
撰文：林通賢
出版：更新：
今日（12日）是陳家樂正日生日，雖然生日要在工作中渡過，但公司同事在拍攝現場送上足球蛋糕及鮮花，壽星仔坦言很開心，「今日要拍廣告，不過生日可以開工係一件好開心、好幸福嘅事。因為早大半年好多拍攝工作延期，八月中先開始多番工作。」例如除了今日的廣告拍攝，他還透露過幾天將會有他跟湯怡的婚嫁系列珠寶廣告推出，提到婚嫁，家樂表示自己對婚姻憧憬，「都會想快啲結婚㗎，睇到啲相、帶戴嘅首飾係好靚，同埋會幻想有一日同屋企人去經歷呢件事，期待有呢一日完成呢個夢想。」
陳家樂對足球主題的生日蛋糕非常滿意。
問到生日如何慶祝，家樂笑說不知甚麼時間可以收工，「其實今日冇特別約實一個慶祝或者飯局，因為都工作緊，都未知幾點收到工，希望趕得切收工食餐飯。衛詩雅非常之有心，佢早兩日已經同我食咗飯、切咗蛋糕。佢係幾好嘅，每年都同我提早安排好呢啲嘢。」至於生日願望，家樂說最緊要身體健康，「最希望係疫情快啲過，一家人身體健康，大家嘅生活可 以正常番，因為好耐都瘑一班 朋友 或者家人聚會。」