後生仔傾吓偈|公開一星期支出紀錄 陸浩明:做電視台原來咁好搵

撰文:
最後更新日期:

戴祖儀試過因為打機,一晚課金三千元。(影片截圖)

最新一集《#後生仔傾吓偈》以投資理財為題,幾位後生仔各自用手機程式紀錄自己一星期嘅支出。戴祖儀雖然未有參與,但分享理財apps嘅好處,她指自己曾經因為打機,所使用嘅人物唔夠勁,一晚死七次。「於是我課金強化佢嘅武器,一晚用咗三千元……」戴祖儀嘅一晚課金費用,等同後生女欣茵嘅一星期支出,當中包括埋花店生意嘅投資。之後到後生仔阿楓公開自己近39,000元嘅支出紀錄,即時嚇窒全場,連陸浩明都忍唔住表示:「做電視台原來咁好搵!」阿楓解釋:「有19,000元係保險,另外10,000元係卡數,我發現自己一個月電話費600元係好貴,另外健身我一買就係6年plan,同埋staycation、咖啡都係好大花費。」

阿楓一星期花費38,743元!隨時多過一個打工仔嘅薪水。(影片截圖)

之後輪到另一位後生仔GM公開自己一星期支出紀錄:29,482!當大家以為這就是全部之際,GM就話:「仲有供車嘅10,000元未計埋落去。」GM表示最近買入一部新車,原因係自己成日唔小心坐的士,聽到呢個神邏輯,連馮盈盈都忍唔住表示:「為咗唔好比200幾元嘅的士錢, 所以買架幾十萬嘅車!」又一次證明,原來做電視台原來咁好搵。

GM花費不少在健身,但佢話因為腰痛,所以其實一直都無去健身,根本就係白供。(影片截圖)

節目中,眾人亦有分享投資心得。一星期花費3萬嘅阿楓透露,幾年前自己剛畢業時,由於香港市道理想,自己在投資上,試過一日賺4千元,令他以為錢真係咁好搵。「其實當時係估升定跌,你唔會知可能因為其他國家嘅一句說話會冧市,我最終係蝕十幾萬。」聽到阿楓嘅理論,眾人都笑指佢根本就係投機而非投資,而阿楓亦表示自己係投埋整個人入去。

同場加映:盤點香港藝人Staycation 10大酒店 陳凱琳、陳曉華最有品味

+27
+27
+27


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。