馮盈盈前男友電視城「搵回憶」 江嘉敏留言：你人生冇嘢做喇？
撰文：陳曉毅
出版：更新：
馮盈盈去年尾同醫生男友寶寶(Martin)先同居後分手，早前又傳出同好姊妹江嘉敏因為一次船Ｐ而導致二人反目，雖然盈盈好快就同爆肌港男鄭衍峰傳出緋聞，又可以跟富豪劉鳴煒行山成為好友，似乎舊愛同舊姊妹都成為過去式。
FYY同寶寶曾經好恩愛。（資料圖片）
本來盈盈前男友同前好姊妹應該冇乜重疊關係，但早前寶寶在私人IG上載一張駕駛SUBARU WRX跑車到電視城的照片，並留言「一人遊舊地」，內容已經夠惹人聯想。最估不到率先留言回應的不是馮盈盈，而是傳已跟盈盈反目的江嘉敏 ，她留言說：「你人生冇野（嘢）做喇？」
寶寶的WRX跑車好有型 。(IG圖片)
次後二人仲繼續有互動，先有寶寶回應：「見你唔到嘅？」，江嘉敏就話：「你又唔係嚟搵我，眼裡面實見我唔到㗎！」而寶寶最後就答咗句：「去咗搵回憶！」唔通寶寶口中嘅回憶就係馮盈盈？
江嘉敏同寶寶一人一句互動。(IG圖片)
點擊更多睇馮盈盈靚相：
+27
同場加影:
+28