程瑤做亞姐評審幫「仁美」揀蟀 與蘇永康傾唔斷：以前成日合作
撰文：陳栢宇
出版：更新：
亞視（ATV）《2020亞洲小姐競選》香港區決賽早前完美落幕，三甲塵埃落定，擔任評判及儀態導師的「仁美清叙」主席程瑤坦言整個評審過程都「好難揀」，因很多候選亞姐都表現很好，問到三甲是否她的最後心水，程瑤表示︰「最後五強係自己心水，其實個個表現都好好，唔只靚仲好有才華，睇佢哋表演睇得好開心。」
程瑤與《2020亞洲小姐競選》香港區三甲合照。
今年亞姐競選現場非常熱鬧，不少「仁美」成員都盛裝出席，亦見到很多好友讓她敍舊，她表示︰「以前做騷大家成日見，不過疫情關係大家少見咗，趁呢個機會聚埋一齊，特別係表演嘉賓蘇永康，以前成日一齊合作，又會飛去唔同地方做騷，本來因為要做評判，都冇時間同佢敍舊，好彩佢表演完後到我上台頒獎，大家喺後台短聚傾偈。」
程瑤與蘇永康在後台合照。
對於今年「仁美」再添新血，程瑤感到非常開心，她說︰「去年亞姐加入我哋，一齊做咗唔少慈善工作，今年再有一大班新血加入，係一件好事，因為可以為唔同嘅慈善活動出多一分力，幫助社會上有需要嘅人。」
對於今年「仁美」再添新血，程瑤感到非常開心。