丁子朗傳參演新版《十月初五的月光》：我仲未正式接到通知
撰文：洪曉璇
出版：更新：
「相機，音響，車，名錶」係男士們四大玩物，丁子朗呢日換上一身冬裝出席名錶活動，佢就話自己有興趣入手投資：「平時自己戴開電子跳字錶方便做運動，不過最近都開始睇緊想買錶保值，平時就鍾意車多啲，但落地就開始貶值，錶剛好相反，開始睇緊順便當儲錢。」
丁子朗呢日換上冬裝出席活動。（梁碧玲攝）
最近傳出TVB會翻拍經典劇集《十月初五的月光》，當年馬浚偉飾演嘅司徒禮信一角，丁子朗成為大熱人選之一，當年播出時只有3歲嘅到子朗就話：「其實我仲未正式接到通知，呢套劇好經典，首歌我聽過好好聽，但就未由頭到尾睇一次，大約知角色劇情。如果真係有幸參演都唔會好大壓力嘅，大家都係盡力做到最好。」