黃建東再登《流行經典50年》　同李龍基米雪合作感開心

藝人黃建東（東東）最近再度獲邀上《流行經典50年》表演唱歌同彈琴，獻唱李龍基首本名曲《佛山贊先生》之餘，兩人還合唱《萬水千山縱橫》，東東話收到演出通知之後，整個星期都睡得不好：「因為第一次獻唱經典歌，仲要原唱基哥喺度，同埋同佢合唱，壓力非常大，因為基哥唱得實在太揮灑自如。我自己平時唱抒情歌比較多，今次要不停提自己要型啲大俠啲，一定唔可以變咗搞笑。」東東還特地穿上禮服以靚仔Look示人，希望可以一改平時癲喪形象，幸好出來感覺令大家耳目一新。

除此之外，東東在剛剛播出的一集中，為視后米雪彈鋼琴伴奏《今宵多珍重》，原來二人合作源於同一個歌唱老師：「我哋都係同一個歌唱老師Leo上堂，謝謝老師介紹我畀米雪姐認識。《今宵》唱到街知巷聞，所以不敢怠慢為演出苦練番鋼琴，同埋米雪姐實在太漂亮，彈琴時唔敢多望佢驚自己會分心彈錯。」東東可以再上《50年》，很感激米雪姐的信任，以及家燕姐的鼓勵。