全民造星III︱花姐最後一刻決心刪前哨戰演出:都明參賽者唔開心

撰文:
最後更新日期:

經過漫長的前哨戰(Pre Round),ViuTV王牌綜藝節目兼真人騷《全民造星III》的50強終於在上周三(18/11)誕生,小組對決亦隨即展開,然而這集播出之後收到很多投訴,直指製作團隊將第13集裏本應要出現的8位參賽者演出片段刪走,認為此舉對他們來說極不尊重,更有專門講流行音樂的facebook專頁「論盡音樂 Stupid Music」發文狠批:「前面好多悶到反胃嘅背景story,只要剪短一分鐘,就已經夠呢8個播埋,但電視台選擇左(咗)一個最唔尊重嘅方式對待佢地(哋)。」至於已經「三盞紅燈」出局的「靚仔醫生」蘇浚祈(Jensen)亦透過IG限時動態發表感受,直言替遭剪走片段的「戰友」不值:「其實咁樣真係好唔尊重呢幾位參賽者嘅付出。」身為節目監製的「花姐」黃慧君日前親自就今次事件解畫,坦言後期製作時,確實有剪輯8位參賽者的演出片段,奈何要顧及整體節目節奏和反映錄影時的真實情況,於最後一刻狠心刪走上述內容,變成今天觀眾見到的版本。「我明佢哋係有唔開心嘅!」

撰文:游大東

(資料圖片)

「花姐」上周四(19/11)下午現身灣仔修頓場館,出席ViuTV新劇《男排女將》的宣傳活動時,親自解釋為何會決定將前哨戰8位參賽者,包括黃寶瑤(寶瑤)、張卓堯(Yasmin)、丁悅(阿丁)、鄺旨呈(旨呈)、阿樂頤(Georgina/阿左)、李家賢(Hugo)、宋柏謙(Tim)以及姜嘉欣(奸奸)的演出片段統統剪走。

「花姐」直言,這是基於真人騷的製作標準而衡量。「當時我哋睇完個廠(錄影),發覺原來尾個8個(演出時)呢,啲人已經訓着冇心機,連啲評判好、導師都係咁,我都悶到走咗去,直至去到最後陳葦璇出場,先叫做好啲,大家醒喇,其實我哋嘅Format係,錄影完之後,我同啲導演Briefing(引導),就係現實發生咩事,我哋要跟個現實去剪。」

不過「花姐」也明白,參賽者為了這次演出,背後花了很多心機,若然真的一秒不見,相當殘忍,於是一度改變主意。

全民造星III︱Vincent被隊員投出局勁殘酷 花姐竟指係另一種鼓勵

全民造星III︱花姐擔任廣告代言 帶挈「舞王」Timo勢成決賽黑馬

ViuTV王牌綜藝節目兼真人騷《全民造星III》至今已播出兩個星期,83位參賽者力爭成為「50強」的前哨戰(Pre Round)仍未完結。(資料圖片)

曾剪兩個版本 播出前決定選擇刪走8人

「我自己都驚對唔住啲參賽者,搞到我自己都有矛盾。後來我又同啲導演Brief,不如我哋都試下逐個逐個剪出嚟,我都唔想好似咁衰咁,睇下個效果先,如果呢個效果OK,咁我就放棄真實嘅情況。但係剪完之後,我就理解到點解當時啲人會瞓着,因為呢幾個參賽者嘅表演,唔係唔好聽,係比較靜態,喺嗰個時間呢(已連續錄影十幾個小時之後),就係會咁樣,所以我覺得要顧全大局,既然我個節目係真人騷,就要畀最真實嘅嘢人哋睇,我情願係咁(將所有片段刪走),我覺得呢個節目嘅真實性,係比參賽者表演更重要,喺我哋嘅立場,好用心剪佢哋嘅profile,好用心剪佢哋嘅故事,係比佢哋嘅表演更加幫到佢哋。」「花姐」透露,本來前哨戰預算會播13集,最後因為上述原因,變成12集。

「花姐」受訪時坦言,知道參賽者對於這個處理手法一定感到不高興,所以事前已逐個以電話通知製作團隊有此決定,另一方面,亦叮囑負責社交平台宣傳的同事,要將上述8位參賽者的演出片段足本公開作為補償。今屆《造星》只得35集(2019年《全民造星II》常規播放為49集),前哨戰已佔去三分之一集數,觀眾開始擔心,按照現時的播放進度,能否在未來4個星期播放餘下回合,緊貼12月底總決賽舉行的日子。「花姐」笑言不用擔心,亦不會如去年那樣臨時增加集數,「我哋已經Plan好咗,今年係會比舊年少一Round(上年5個回合,今年不計前哨戰則為4個),所以拍之前已經知道邊一Round會播到邊集,總之35集係會出得晒。」

成功晉身《造星III》50強的旨呈,他在前哨戰的演出慘遭剪走。(節目截圖)

阿Tim最終無緣晉身《造星III》50強,然而他在前哨戰的演出遭剪走,意味觀眾根本無法認識這位參賽者。(電視截圖)

已出局的「靚仔醫生」Jensen在IG分享限時動態,力撐沒有「出鏡」的旨呈:「咁好睇嘅表演竟然唔播!!!」。(instagram.com/sojendr)

已出局的「靚仔醫生」Jensen在IG分享限時動態,為阿Tim感不值。(instagram.com/sojendr)

點擊圖輯睇下《全民造星III》精選金句:

+42
+42
+42


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。