【踩過界2】向袁偉豪送祝福 蔡思貝張振朗盼將來婚禮簡單低調
撰文：洪曉璇
出版：更新：
張振朗蔡思貝出席《踩過界2》宣傳。（梁碧玲攝）
蔡思貝張振朗呢日出席《踩過界2》宣傳活動，玩遊戲時張振朗被眾人「毒打」，蔡思貝就笑言：「人緣好真係friend先打佢呀！張振朗喺TVB真係好多朋友應該無咩仇家。」張振朗即刻接口反問：「乜你好多仇家咩？」
兩套台慶劇都拍住上，張振朗蔡思貝笑言對住對方開始覺得厭：「唔見我哋無咩想同對方講咩，坐遠啲啦你。」問到會唔會對頒獎禮更有信心，思貝就話：「我反而覺得相反，分薄咗票源。」
張振朗蔡思貝2套台慶劇都有份，但對獎項未敢抱太大希望。（梁碧玲攝）
袁偉豪同張寶兒呢日註冊結婚，佢哋都話一對新人收得好埋事前唔知情，異口同聲送上祝福，亦期望將來結婚一樣可以低調啲。張振朗話：「平時生日我都自己過，最多同屋企人，如果結婚都想簡單啲或者飛去第二度。」思貝話：「咁多年我連生日會都無搞過，都唔想搞，叫我搞個婚禮諗到都頭暈。平時開工都見咁多人，呢啲私人事同身邊重要嘅人同家人一齊就夠。」
+3