林盛斌一家六口靠佢養 一日內無晒啲Job：內心強大冇嘢要驚
撰文：張嘉敏
出版：更新：
新冠肺炎持續肆虐，並在港已爆發了第四波疫情，各行各業繼續深受影響，經濟大受打擊，業界叫苦連天，演藝圈的藝人收入亦銳減。向來深得客戶喜愛的林盛斌（Bob），原本有大量的主持工作，也因為新冠肺炎而令到好多工作都被迫取消，呢日他就於Facebook出post大呻在一日內失去原先接下的全部工作。
Bob一家六口連埋兩舍工人靠佢養。(林盛斌fb)
即投「01最賞睇娛樂大獎」兼答簡單問題，被選中內容最精彩、令人印象深刻及令人產生共鳴的答案，就有機會贏最新5G手機12 Pro，按此即投贏巨獎！
Bob留言表示：「計畫（劃），真係永遠趕唔上變化！眼見10月同11月疫情好似緩和咗少少，然後多番少少人搵我12月同1月去做嘢，正當以為坐足幾圈臨尾可以食番鋪對對糊，袋番少少車錢返到屋企去過呢個年關之際，1日之內，全部通知要延期或取消。個感覺真係好amazing.....但係，我同自己講：『內心強大，冇嘢要驚！』同業們，撐住，頂住！」有網民就為他打氣叫他要支持住，也有網民問他：「咁你夠唔夠錢交租呀？」