錢國偉設靈︱Big Four送別領軍人物 張衛健:連埋佢係Big Five

撰文:陳栢宇
出版:更新:

前無綫(TVB)金牌監製錢國偉(Wilson)10月27日因胰臟癌病逝,終年58歲,其家屬今日(8日)在沙田大圍寶福紀念館設靈,不少Wilson的生前好友也有到場致意,包括「Big Four」成員張衛健、許志安和蘇永康。

「Big Four」成員張衛健、許志安和蘇永康送別好友錢國偉。(陳順禎攝)

談到過往相處點滴,張衛健接受訪問時說:「Big Four演唱會全部都係Wilson經手,由零開始就係佢幫我哋做,每一次由香港、紅館到每一笪外埠嘅地方,所以我哋都建立咗好深厚嘅友誼。」又指對方不但示範了如何做一個勇敢的男人,亦示範了如何去愛身邊的人:「(連埋佢)其實係Big Five,如果Big Four係分別代表住四肢,佢就係我哋嘅人腦。」

而蘇永康亦指Wilson是「Big Four」的領軍人物:「佢係絕對功不可沒!」更透露當初「Big Four」尚在構思初期時,未諗清楚發展路向時,四人已不約而同想搵Wilson幫手參與這個計劃。至於許志安也指自己很想念Wilson:「佢不嬲都係畀大家一個好開心(嘅感覺),睇佢嘅作品都係好開心,希望呢個精神可以繼續落去。」