藝人疫市搵食新招價目表大公開 羅霖貴過陳偉琪加埋Rose Ma
撰文：陳栢宇
出版：更新：
新冠肺炎肆虐，影響大部份藝人收入，所以他們都為生計出盡辦法，拍YouTube片、搞生意等，希望能夠幫補一下，最近出現網上名人祝賀短片平台「CeleBright」，亦吸引不少演藝名人加盟，粉絲只要付出一定數量的金額，便可以請到偶像拍攝一條祝賀短片，仲要最平100港元便有交易，而人氣甚高Rose Ma、陳偉琪和孫慧雪，則分別索價300、500和1,000港元。
點擊下圖觀看數十位藝人的短拍價（最貴係邊個？）：
+56
即投「01最賞睇娛樂大獎」兼答簡單問題，被選中內容最精彩、令人印象深刻及令人產生共鳴的答案，就有機會贏最新5G手機12 Pro，按此即投贏巨獎！
索價3,800港元一條片的「六合彩之子」蔡國威接受《香港01》訪問時，坦言價錢是自己定：「我一直唔知佢哋平台定位係點或者點樣運作，所以係求其作個價落去，佢哋嗰邊都建議我改，但係我未得閒去搞。（打算定幾錢？黃百鳴都係五嚿水。）咁梗係跟大圍啦，黃百鳴收五嚿，我就當然唔可以多過前輩啦，我諗最後係佢嘅7折、8折。」
蔡國威接受訪問時指自己之後會減價。（CeleBright）