【愛美麗狂想曲】蕭正楠隔離後首日復工 :黃翠如都陪我14日唔出門
撰文：洪曉璇
出版：更新：
蕭正楠完成隔離後首日復工。（陳順禎攝）
早前因曾接觸新冠肺炎確診者，蕭正楠被衛生署列為緊密接觸者，上月尾被送到隔離中心接受強制檢疫。完成隔離後首日復工，出席《愛美麗狂想曲》宣傳活動。蕭正楠接受《香港01》訪問時話自己喺戲中相當娘娘腔：「好多年前我喺男同志夢中情人榜排第一，打敗言承旭㗎！」
最新5G手機12 Pro隨時屬於您！投選「01最賞睇娛樂大獎」兼答簡單問題，內容寫得最精彩、令人印象深刻及令人產生共鳴的答案就可以成為巨獎得主啦！
喺隔離營嘅日子蕭正楠不時更新IG，為親友同太太黃翠如派定心丸：「隔離其實無大家想像中難過，我仲做咗啲平時無時間做嘅事，好似睇咗翠如寫嘅《40日環遊世界》，終於有時間成本揭晒。」當日被接走隔離時，翠如哭成淚人，蕭正楠話：「走得嗰日佢有嚟接我，呢14日佢都一直無離開家門，到我走得先出嚟，見面都無太特別，係囉哈哈哈。」