全民造星III︱陳柏宇黃詠詩評語被消失 節目組怕觸怒Judas粉絲?

撰文:陳芷穎
出版:更新:

ViuTV選秀節目《全民造星III》來到十強爭奪戰,戰況愈演愈烈而當中六強經已誕生,包括Mischa(葉巧琳)、NY(鍾諾言)、Alina(李靜蓮)、Kimman(黃劍文)以及昨晚(16/12)擊敗對手的Ben(趙祥誠)和ANSONBEAN(陳毅燊)。不過昨晚的一集播出後,網民留意到節目組刪減了評判黃詠詩和陳柏宇(Jason)的評語,更隨即在討論區引發熱議,記者就為大家拆解「評語消失」之謎。

Judas被同組的Ben撃敗,無緣晉身十強。(影片截圖)

01最賞睇娛樂大獎」即日起至12月23日接受投票喇,答埋簡單問題,隨時贏最新5G手機12 Pro!

前晚(15/12)的片尾預告中,評判黃詠詩的一句「最憎人炫耀佢嘅技巧」以及陳柏宇的「你唱得未夠好」通通在第33集消失,網民熱烈討論評判到底講緊邊個,更聯想成是對Judas(羅凱鈴)唱歌演出的評價。黃詠詩回覆《香港01》時指「最憎人炫耀佢嘅技巧」是稱讚表演演戲兼折骨舞的Ben:「其實我係讚緊阿Ben,最憎人炫耀技巧,但佢冇,好純粹咁將折骨舞嘅震撼演譯出來,仲在當中求變,Very Powerful。Judas嗰晚表演咁好,唔會鬧佢啦。」

作為十強爭奪戰的評判之一,同樣是表演者的黃詠詩深深明白參賽者感受,亦希望他們可以享受舞台盡情表演:「參賽者個個都好叻。都睇得出邊啲係好滿意自己表現、邊啲信心唔夠,唔係人人都可以喺比賽性質下表現出色。有啲人會愈戰愈勇,有啲會好害羞。所以無論結果點,都希望佢哋出到去盡情地表演,在台上要靈巧如蛇,台下要純良如鴿子,千祈唔好調轉喎。我明,因為我都係表演者,喺佢地咁嘅年紀嗰時都冇咁叻。」

當中最令黃詠詩印象深刻的是表演演戲兼折骨舞的Ben。(影片截圖)

當中最令黃詠詩印象深刻的是Ben,無緣晉身十強的方方同樣成功打動她:「Ben係令我哋震驚,香港應該冇乜幾個呢種Performer,而且他是做得好。我鍾意方方講家暴,其實係有深一層Message,佢嗰組好難投,因為對手Kimman唱得好。方方好好,抽籤抽到另一位佢未必輸。遊戲規則係咁,就要賭一鋪,最緊要佢哋已經被看見。」

至於陳柏宇的「你唱得未夠好」確實是對Judas唱歌演出的評價,翻看片段,節目組先播放鄭欣宜的評話:「感覺係度咗,唔係去Story Telling。」接着便到後台花姐的鏡頭,背景聲就傳來強尼詢問陳柏宇的意見,而Jason此時就說出:「你唱得未夠好」,鏡頭再轉就來到火火的部分。陳柏宇的「你唱得未夠好」的而且確被刪剪,不少網民懷疑此舉是因為害怕觸怒Judas的粉絲。傳聞孰真孰假,就留待各位定奪。

點撃睇拆解「評語消失」之謎:

+2

同場加映:

全民造星III︱張進翹Manson十強止步 林曉峰一句評語焫㷫網民

點撃睇Manson演出以及阿Lo被網民鬧爆:

+8