小儀與13型男︱張繼聰常為謝安琪送驚喜:尖沙咀Busking最難忘

撰文:洪曉璇
出版:更新:
在謝安琪2007年時份,謝安琪在音樂樂壇正值事業攀升的階段,她卻選擇在事業如日中天的時候,以懷孕的身份嫁給仍在娛樂圈浮浮沉沉的張繼聰 (louischeung2013@IG)

張繼聰同謝安琪結婚多年,出名係圈中模範夫妻,傳聞當年係女追男,呢日張繼聰擔任阮小儀主持節目《小儀與13型男》嘉賓時就還原事實真相:「雖然我哋係同一間中學,但唔同屆唔認識,網上流傳佢追我嗰啲係假嘅,真相係我哋同一年嘅新人,佢派歌先過我,我聽到佢嘅歌,覺得正喎,即被呢個女仔把聲同質感所吸引,把聲咁正,通常個樣都唔差;喺電視第一次睇到佢嘅MV,覺得正喎,於是就好主動去追呢個女仔。」被問到當年以咩手法追謝安琪,張繼聰表示以傳統傾電話攻勢:「同佢講電話,記得有次喺電話約佢睇戲,點知佢三日都唔覆我,我於是嬲嬲地問佢點解唔覆我,佢話嗰套戲唔喺特別想睇,所以咪唔覆囉,我覺得佢好有性格,令我更加鍾意佢。」

最新5G手機12 Pro隨時屬於您!投選「01最賞睇娛樂大獎」兼答簡單問題,內容寫得最精彩、令人印象深刻及令人產生共鳴的答案就可以成為巨獎得主啦!

當時期謝安琪與張繼聰的「奉子成婚」是不備眾人看好,更有人大罵張繼聰是一位「軟飯王」,不過現時人們認識張繼聰不再因他是謝安琪的丈夫,而是真正認識一位名叫張繼聰的明星 (louischeung2013@IG)
+15

談到張繼聰與太太謝安琪夫妻相處之道,張繼聰指:「太太係最好嘅朋友,因為日日都會對住,我同太太都唔係物慾嘅人,買禮物係氹唔到對方開心,反而共渡假期比較重要,好似有一年情人節喺尖沙咀碼頭攞住支結他Busking,唱歌畀太太聽,其實都驚㗎,但印象好難忘。」提到張繼聰嗜好係玩電單車,佢形容車是最好第三者:「男人玩好多嘢都可以好大件事,不過玩車最緊要安全,最好唔好太揮霍,太太又鍾意坐嘅話,成件事變得好浪漫,所以車係最好嘅第三者。」

張繼聰在情人節晚上於尖沙咀海旁為老婆謝安琪送上情歌,同時為圍觀的一對對愛侶送上浪漫時刻。(Instagram)
+5

張繼聰自感是一個合格男友:「每一個男人著緊另一半嘅話,都會想佢開心,會諗一啲驚喜畀對方,當時間長咗,戀情變成感情時,更需要浪漫時刻去保持關係新鮮。」期間小儀問到張繼聰覺得自己係邊類型男士,佢笑說:「好多人覺得我係搞笑、肌肉型,其實我覺得自己係文青型、家庭型。」小儀聞言即大派檸檬:「睇唔出你係文青型,但絕對係家庭型,尤其是你有自己家庭後更明顯,所以我會覺得你係『愛妻型』。」

問到張繼聰覺得自己係邊類型男士,佢笑說:「好多人覺得我係搞笑、肌肉型,其實我覺得自己係文青型、家庭型。」