周揚青傳發展娛樂王國開經理人公司 頭炮簽哈林外甥女

撰文:洪曉璇
出版:更新:
周揚青近日拍攝內地真人騷《潮流合夥人》人氣急升。(微博@潮流合夥人)
+12

周揚青同羅志祥分手後,工作發展更上一層樓,除咗潮牌生意外近日更走到幕前,同陳偉霆等拍攝內地真人騷《潮流合夥人》,人氣一時無兩。呢日更傳出佢成立經理人公司,首個簽下嘅就係哈林庾澄慶外甥女兼好閨密愷愷。

即投「01最賞睇娛樂大獎」兼答簡單問題,被選中內容最精彩、令人印象深刻及令人產生共鳴的答案,就有機會贏最新5G手機12 Pro,按此即投贏巨獎!

周揚青當日寫下千字文後,愷愷曾代其發聲。 (IG:@cathyywang)

家境富裕嘅周揚青,有句名言流傳「我用柏金包裝榴槤,古馳包裝大閘蟹!」,但佢唔係只懂花錢嘅富二代,網店經營得有聲有色,最近傳出佢成立經理人公司似乎準備打造娛樂王國。首個簽下嘅就係好閨密愷愷,當日周揚青貼出分手千字文後,愷愷出席節目錄影就曾代好姐妹傳話。而且佢仲係哈林庾澄慶外甥女,喺台灣主要上各類節目做嘉賓,IG有六萬多追蹤發展平平,曾與柯震東有親暱合影。周揚青本來只為佢喺內地投石問路,現決定簽下好姐妹發展娛樂王國。

點擊睇下愷愷同周揚青靚相:

+9