樂瞳最愛縷空式上衣勁吸晴　淘寶同款20元有找

因疫情關係去年近乎零演出嘅樂瞳，幸好有網店頂住。不時喺IG sell美酒嘅佢，日前化身美食KOL介紹pizza，之不過，網民嘅重點全部都落喺樂瞳件衫，呢件貼身上衣胸前穿窿設計不經意咁展覽豐滿上胸，非常養眼。網民仲話樂瞳似乎對呢種設計情有獨鍾，之前食日本菜時同樣係身穿心口開窿咁出現。

其實呢款貼身縷空上衣，喺淘實有海量嘅選擇，價錢由最平嘅20元人仔到過百都有，有賣家更指呢款係熱爆潮款。正所謂，無比較無傷害，當睇完樂瞳嘅示範後，即時覺得淘寶model示範非常失色。