草蜢三子準備做KOL? 最想牛年開演唱會與歌迷一齊跳唱

撰文:鄺鈺瑩
出版:更新:
草蜢三子有意做飲食KOL

草蜢與經理人林珊珊 (Sandy) 一起錄製賀年網上節目,並和公司同事一起團年,適逢蔡一傑2月6號生日,更遇上11歲小女孩粉絲送上生日禮物,補祝他生日。提到牛年計劃,蔡一傑笑言要請兩位拍檔作客《傑少煮意》,仲會預備草蜢湯、草蜢蒸蛋招呼大家。

錄影時,遇上小女孩粉絲為傑少送上親手製作的生日禮物,對方最希望可以快啲睇到草蜢嘅演出。

蔡一智亦說:「咁更進一步不如做一個頻道,講吓我哋遇過食過嘅嘢啦。」傑少回應説:「個名我都馬上諗到,好直接就叫草蜢頻道,因為呢個名喺過去咁多年帶俾我哋咁多榮譽,大家一見到就會諗起我哋。」

蔡一智表示其實草蜢在 2020 年本來有不少計劃,不過都因為疫情而停下來,不過佢哋其實每星期都有運動,隨時開騷都無問題。

過新年大家都會習慣穿新衣,說到新衣蔡一智也不禁想起兒時父母為他和傑少兩兄弟打造的過年造型,他說:「細個唔係成日買新衫,但父母過年前都會整一啲兄弟套裝俾我哋兩個,大家一樣色一樣款唔使爭,我最記得細個有一年果套啡色牛仔裝。」身旁的傑少也和應説:「呢套真係一世都記得,啡色嘅牛仔衫套裝真係好少見。」